مدخــل:
لا شفت ضيم الناس في كل ديــرة
آســـجد لربي الــي خلقنـــي كويتي
شعر لدولتي الغالية بقلمي :
الغريب يقول:
قد سمعنا حد يعشق حبيب أوعشيق أو صديق
لكن ما سمعنا حد يعشق تراب اليابسة
من ذاك الي بيشكي للتراب لا جاه أي ضيق
ومن هو الي بيتعلم من التراب الدراسة
غريبة حالتك والاغرب إنك للتراب رفيق
مدري علامك شكلك كلك فخر وحماسة
أنا:
يا الغريب ما نيب معطيك أي تصريح أوتعليق
لأن السالفة ما يبغى لها أي ذكاء وفراسة
أعشقه وأموت فيه وأنا بحبه تايه غريق
يا زين تراب ديرتي ديرة الحرية والسياسة
الغريب:
أنا ظنيتك تحب تراب عادي ما هقيت
وما دريت أنك تحب تراب الكويت
عز وفخر ديرتك وأرض فيها تربيت
ولو بظل أدعي لها كل يوم أبدما وفيت
أنا:
تسلم يالغريب وكافي أنك لها دعيت
والله يحفظ ديرتي الغالية في كل بيت
وأنتي لنا عز وفخر يا ديرتنا الكويت
وبظل أعشق دوم ترابج يالكويت
